Sic do komb tjeter qe shajme edhe ne kemi te metat tona. Por kemi nje te mete madhe qe rralle e gjen te kombet e tjera. Kur skemi cfra te themi, flasim gjithsesi. Dhe flasim kot, flasim

ne ajer. Ky tipi ketu deshiron te japi mendimin e vet per Petroliferen por nuk ben gje tjeter vecse po flet kot. Dhe jo vetem qe nuk i jep zgjidhje ceshtjes por dizinformon edhe lexuesit.

Me thoni ju c'lidhje ka Serbia dhe Greqia me Petroliferen. Apo ngaqe jemi mesuar qe kur na ndodh ndonje e keqe ne shqiptareve ti veme fajin gjithmone Serbise dhe Greqise. Ne kete ceshtje ka tre "personazhe" : Italia qe kerkon te shfrytezoj mjedisin shqiptar per industrine e vet, politika shqiptare e majte dhe e djathte qe eshte korruptuar, dhe populli shqiptar qe vuan ne kurrizin e vet kete padrejtesi. Nese lexoni artikullin 12 do te kuptoni qe un fajesoj te dyja palet e politikes, jo sepse duan une, por sepse keto jane faktet. Ndersa ky zoteria duket qe e ka te gjithe me Vloren sepse eshte armiku i Saliut. Vlora nuk eshte armiku i Saliut por eshte armik i interesave te huaja mbi kurrizin e shqiptareve.

Ky nxjerr ne diskutim edhe ceshtjen e Ambos: projektit Burgas-Vlore. Dua tju them dicka:

Italianet shpesh me bejne pyetjen : Po ju shqiptaret pse e adhuroni kaq shume Ameriken ? Un i pergjigjem : Ne shqiptaret nuk dhurojme Ameriken apo Amerikanet por adhurojme principet dhe idealet e demokracise qe ajo i ka trasmetuar botes.

Prandaj shqiptare qe mendoni pak dhe flisni shum, te mos e mendoni Ameriken si engjelli mbrojtes i Shqiperise sepse asnje ndihme nuk eshte gratis. Gjithmone duhet te kthesh dicka mbrapa. Ne ameriken do ta adhurojme deri ne ate pike qe ka te drejte dhe nuk na prek interesat e vendit tone. Sinqerisht nese do te zgjidhja nje investitor midis Amerikes dhe nje vendi tjeter do te zgjidhje Ameriken, por kjo nuk do te thote qe do ti jepja te drejta te plota mbi vendin tim, keshtyqe mund te shkaterronte mjedisin dhe turizmin. Un qe shkruaj nuk jam as komunist, as anarkist, as jo-globalist, perkundrazi mbeshtes idete e te djathtes konservatore dhe mbeshtes politiken nderkombetare te USA. Jua them keto se shqiptaret si ky tipi i instrumentalizojne idete e te tjereve. Nese shajme Saliun na thone komunist, nese shajme Nanon na thone Berishist etj. Mos ti kushtojme rendesi ketyre artikujve, ti injorojme ato.

lexoni keto dy artikujt

Gazeta sot

Tuesday, 20 November 2007

Nga Kastriot Myftaraj - Një fantazmë sillet nëpër Shqipëri, fantazma e imperializmit amerikan, e përfaqësuar nga kompanitë shumëkombëshe, si AMBO, Bechtel, Westinghouse, që duan të investojnë dhe të ndërtojnë vepra publike në Shqipëri.Të gjitha forcat antishqiptare, kanë hyrë në një aleancë të shenjtë për t’i bërë luftën e shenjtë kësaj fantazme, sipas librit të shenjtë të Enver Hoxhës “Rreziku anglo-amerikan për Shqipërinë”: Edi Rama dhe Erion Veliaj, Erion Braçe dhe Ardian Klosi, ambasadori iranian në Shqipëri dhe Mustafa Nano, Partia Socialiste e Edi Ramës dhe e ashtuquajtura Aleanca për Mbrojtjen e Gjirit të Vlorës, dy “M”-të, Lëvizja “Mjaft” dhe mafia e narkotikëve dhe e qenieve njerëzore në Vlorë, e kamufluar si ambientaliste, Fondacioni “Soros”, etj. Kjo aleancë e madhe vepron nën sloganin: Antishqiptarë të të gjithë llojeve bashkohuni! Antishqiptari, që ka në letër kombësinë shqiptare, për indulgjencë të shtetit shqiptar, nuk ka ç’të humbë në këtë luftë, veç shtetin dhe flamurin shqiptar, të cilët i urren, siç u pa në spektaklin e dhunës që u dha në një nga auditorët e Universitetit të Vlorës, më 19 nëntor, kur u përdhosën themeluesi i shtetit shqiptar dhe flamuri nacional shqiptar. Të gjithë kësaj Edi Rama i ka gjetur një emër, e quan “patriotizmi i ri”. Në një takim me të rinjtë dhe të rejat e Vlorës, mbajtur në këtë qytet në 13 nëntor 2007, kryetari i PS Edi Rama, u shpreh hapur kundër projektit AMBO në Vlorë dhe bëri thirrje për një lëvizje kundër këtij projekti, në emër të atij që Rama e quajti “patriotizëm të ri”. Edi Rama u shpreh: “Ajo që unë dua të them është nevoja për t’u bërë të gjithë bashkë në emër të një patriotizmi të ri. Të një patriotizmi të ri, i cili nënkupton në radhë të parë marrjen në dorë të fatit tonë, të fatit të atdheut tonë. Të marrim në dorë për çështje të mëdha, të cilat janë kthyer në plagë të mëdha në këtë vend. Në Vlorë ne jemi dëshmitarë të një domosdoshmërie konkrete, që lidhet me një fakt konkret, që është vetë fakti i gjirit të Vlorës i cili nuk mund të jetë gjiri i naftës, por duhet të jetë gjiri i një turizmi ashtu siç e meriton Vlora. Dhe askush më shumë sesa rinia vlonjate nuk mund të jetë e përgjegjshme për këtë mision. Askush më shumë sesa rinia vlonjate nuk mund të jetë e interesuar që me qytetin dhe me këtë bregdet të mrekullueshëm të bëhen prapësira në emër të një zhvillimi që nuk sjell mirëqenie por sjell varfërim. Në emër të një zhvillimi që nuk sjell një siguri për të ardhmen. Në emër të një zhvillimi i cili nuk mund të ndodhë pa u pyetur qytetarët e Vlorës. Pa u pyetur Vlora. Pa u pyetur të rejat dhe të rinjtë e Vlorës, të cilat dhe të cilët nuk mund ta delegojnë më fatin e tyre tek qeveritarët e Tiranës”. (“Zëri i Popullit”, 14 nëntor 2007, f. 11) Kështu, del se «patriotizmi i ri» i Edi Ramës, nuk qenka gjë tjetër veç një zbatim i manualit enverist, të paraqitur në librin «Rreziku anglo-amerikan për Shqipërinë» ku kompanive shumëkombëshe amerikane paraqiten si hiena që u thithin gjakun popujve të botës, dhe nga të cilat Shqipëria komuniste për fat të mirë kishte shpëtuar në sajë të shokut Enver që i mbante larg amerikanët gjakpirës. Edi Rama tashmë ka vënë në shenjestër së paku tre koncerne të mëdha shumëkombëshe me bazë në SHBA, «Bechtel», AMBO dhe «Westinghouse», nga të cilat e para po ndërton Rrugën Rrëshen-Kalimash, pjesë e aksit Tiranë-Prishtinë, e dyta do të ndërtojnë në Shqipëri një impiant për transportin e naftës, ndërsa e treta ka shprehur interes për të marrë pjesë në ndërtimin e një centrali bërthamor në Shqipëri. PS e Edi Ramës ka kërkuar referendum për atë nëse duhet të zbatohet ose jo projekti AMBO dhe të ndërtohet centrali bërthamor në Shqipëri. Në rastin e AMBO referendumi është kërkuar zyrtarisht nga Këshilli bashkiak i Vlorës me shumësi të majtë, në KQZ. Edhe pse kjo kërkesë është bërë kundër Petroliferës, në fakt është kundër AMBO, se ndërtimi i Petroliferës është pjesë integrale e projektit AMBO. Është ironike se PS e Edi Ramës në fillim u tall me idenë e Berishës për ndërtimin e një centrali bërthamor, duke e quajtur mashtrimin e radhës së kryeministrit, por pastaj kërkoi që për këtë çështje të bëhet një referendum. Kjo tregon se PS-të Edi Ramës dikush i tha se kjo ide nuk është joserioze, por mund të zbatohet vërtet dhe e instruktoi PS-në e Edi Ramës, që të reagojë kundër saj. Se çfarë është “patriotizmi i ri” në veprim, i Edi Ramës, u dha ditën e hënë në 19 nëntor, në një auditor të Universitetit të Vlorës, kur pamë shumë nga ata të rinj dhe të reja që ishin në takimin e Edi Ramës disa ditë më parë, u shfaqën duke bërë një performancë horror barbarie, dhune, dhe kërcënimesh gjakësore. Ajo që duhet të ishte një takim debatues mes përfaqësuesve të Petroliferës dhe disa të rinjve të Aleancës për Mbrojtjen e Gjirit të Vlorës, dhe që po bëhej me kërkesën e këtyre të fundit, në fakt doli të ishte një skenar i këtyre gjoja ambientalistëve, për të dhënë një kumt dhune dhe kërcënimesh, siç e pranuan me sinqeritet përfaqësues të kësaj lëvizjeje. Gjëja që të bënte më tepër përshtypje në këtë spektakël barbarie nuk ishte fakti se u sulmuan, duke u goditur me sende të forta, dhe duke u përlyer me naftë dhe vajra të djegura, rektori i universitetit të Vlorës dhe përfaqësuesit e Petroliferës, të cilët ishin ftuar në takim, por se sulmuesit nuk u përmbajtën as para portretit të madh të Ismail Qemalit, dhe flamuri nacional shqiptar, që ishin në mur, pas shpinës së të atakuarve. Në pamjet televizive dukej se si portreti i Ismail Qemalit dhe flamuri shqiptar ranë dhe u përlyen me naftë dhe vajra të djegur, nën breshërinë e goditjeve me sende të ndryshme, të sulmuesve mes të cilëve kishte dhe liderë të aleancës. Asnjë nga njerëzit e Aleancës që ishin në sallë nuk shkoi të ngrinte portretin e Ismail Qemalit, apo flamurin shqiptar të përlyer, por e kishin mendjen vetëm të vazhdonin të qëllonin dhe të kërcënonin, duke iu drejtuar kamerave. Merret vesh, atyre nuk u vinte keq për flamurin shqiptar, se ata kanë për zemër flamurin serb dhe grek, si gjyshërit e tyre që shkonin pas Dushan Mugoshës, i cili gjatë Luftës së Dytë Botërore e kishte bërë Vlorën bazë të vetën. Atyre nuk u vinte keq për portretin e Ismail Qemalit, të parit ndër Etërit themelues të shtetit shqiptar, se ata njohin për shtet të tyre Serbinë dhe Greqinë dhe portretet e Etërve themelues i kanë në Beograd dhe Athinë. Në pamjet televizive u pa se si një nga të sulmuarit tregoi përgjegjshmëri duke u përkulur nën breshërinë e sendeve që fluturonin drejt podiumit për të ngritur flamurin nacional shqiptar të përlyer me naftë dhe vajra të djegur. Duke goditur dhe rrëzuar portretin e Ismail Qemalit dhe flamurin nacional shqiptar, njerëzit e së ashtuquajturës Aleancë Qytetare për Mbrojtjen e Gjirit të Vlorës treguan se ata janë antishqiptarë, se nuk e kanë thjesht me Petroliferën apo me AMBO-n, por e kanë me themelet e shtetit shqiptar, e kanë me flamurin shqiptar, e kanë me kombin shqiptar, për llogari të Serbisë dhe të Greqisë, të cilat i përdorin si puppet on a string (kukulla të komanduara me fije). Në pamjet televizive u pa qartë se në kohën që portreti i Ismail Qemalit dhe flamuri nacional shqiptar gjendej përtokë i përlyer me naftë dhe vajra të djegura, kryetari i Aleancës Qytetare për Mbrojtjen e Gjirit të Vlorës kërcënonte duke thënë se ata që duan të ndërtojnë Petroliferën janë në gjak me Vlorën. Në mbrëmje ky njeri e përsëriti kërcënimin në një intervistë në emisionin “ZIP” në “Vizion Plus”. Në një intervistë tjetër, po në të njëjtin emision, një studente, anëtare e Aleancës, u shpreh se do të përsëritet lufta e 1920. Kur një nga drejtuesit e emisionit, ndërhyu duke bërë një vërejtje për këtë gjuhë, nënkryetari i Aleancës, Feruni, i ftuar në studio, u shpreh se kjo ishte gjuha e duhur që ata që duan të sjellin naftën në Vlorë ta marrin mesazhin. Si kryetari i Aleancës, ashtu dhe nënkryetari, të pyetur nga një prej drejtuesve të emisionit, për atë sesi i komentonin skenat e dhunshme të asaj dite në takimin në universitetin e Vlorës, i quajtën ato një protestë civile, duke treguar kështu se sensi i tyre për civilizimin qenka ai që njerëzit e qytetëruar kanë për barbarinë. Me spektaklin e dhunës që na ofroi në 19 nëntor, thirrjet për gjak dhe kërcënimet për luftë, e ashtuquajtura Aleancë Qytetare për Gjirin e Vlorës tregoi se është në fakt një lëvizje terroriste, e krijuar dhe e kontrolluar nga shërbimet sekrete serbe dhe greke që synon të ngrejë në Vlorë një guerilje kundër interesave amerikane në Shqipëri, çfarë është AMBO. Kjo, e ashtuquajtur Aleancë për Mbrojtjen e Gjirit të Vlorës, është pjesë e një plani më të gjerë që synon të minojë interesat amerikane në Shqipëri, duke atakuar “Bechtel” për interes të Serbisë, që mos të ndërtohet superstrada pjesë e aksit Tiranë-Prishtinë, duke atakuar projektin për ndërtimin e një centrali bërthamor në Shqipëri, në interes të Serbisë dhe të Greqisë. Ata që i janë bashkuar në Vlorë së ashtuquajturës Aleancë Qytetare për Mbrojtjen e Gjirit të Vlorës i përkasin asaj pjese të popullsisë së Vlorës, së cilës historikisht i është kultivuar një vetëbesim delirant dhe arrogancë sikur ajo është trime, dhe se mund të sfidojë dhe t’u imponohet kombit shqiptar, madje dhe fuqive të mëdha, deri edhe me luftë. Ky vetëbesim delirant është produkt i keqkuptimit të disa ngjarjeve historike si ngritja e flamurit në Vlorë në 1912, Lufta e Vlorës vitit 1920, lufta partizane në Vlorë kundër italianëve dhe gjermanëve në vitet 1942-1944, deliri i kohës së Enver Hoxhës kur gjyshërve dhe etërve të atyre të rinjve që sot janë në Aleancën për Mbrojtjen e Gjirit të Vlorës u qe krijuar ideja paranojake se Flota e Gjashtë Amerikane kërkonte të hynte në Vlorë, por nuk guxonte se kishte frikë prej tyre, apo lufta e vitit 1997. Të gjitha këto konsiderohen si luftëra triumfuese të Vlorës. E vërteta historike është se të gjitha këto kanë qenë luftëra të rreme. Është e vërtetë se në Vlorë në 1912 u shpall pavarësia dhe u ngrit flamuri nacional, por gjithashtu është e vërtetë se nga kryengritjet dhe betejat e mëdha antiosmane që u bënë në Shqipëri që nga koha e Lidhjes së Prizrenit dhe deri në vitin 1912, asnjë nuk u bë në Vlorë. Për hir të së vërtetës, Vlora mori një shpërblim që nuk e meritonte duke u shpallur pavarësia atje, dhe kjo ndodhi për shkak se pjesa më e madhe e Shqipërisë atëherë ishte invaduar nga ushtritë serbe dhe greke. Lufta e vitit 1920 në fakt ishte një truk, në mënyrë që qeveria italiane të justifikohej para opozitës dhe opinionit të brendshëm, sikur kishte qenë e detyruar t’i tërhiqte trupat italiane nga Vlora, për mos t’ u armiqësuar me shqiptarët (kur Italia pretendonte të merrte mandatin mbi Shqipërinë), në një kohë që ishte marrë vendimi në kancelaritë e fuqive të mëdha se Italia do të tërhiqej nga Vlora, si pjesë e një kompromisi për të hequr dorë Jugosllavia nga pretendimet e saj në Adriatikun verior. Dhe vërtet, një vit pas luftës, në 1921, Italia mori sipas Marrëveshjes së Këshillit të Lidhjes së Kombeve (ekuivalenti i Këshillit të Sigurimit të tashëm) mandatin mbi Shqipërinë. Sa për luftën partizane të zhvilluar në Vlorë dhe shumë të himnizuar në kohën e komunizmit, si Lufta e Gjormit, apo ajo e Drashovicës, ato nuk kanë qenë beteja serioze. Në rastin e Luftës së Gjormit, u nis një ekspeditë milicësh për të kapur serbin Dushan Mugosha, për të cilin vetë Enver Hoxha e pohon në kujtimet e veta se gjendej në Vlorë. Komandanti i milicëve Halil Alia u çoi fjalë fshatrave të Vlorës se kërkon serbët dhe nuk ka punë me shqiptarët, dhe kur shkoi i bënë pritë me bomba, edhe pse kishte marrë fjalën me anë të Qazim Koculit, se nuk do ta preknin nëse nuk prekte shqiptarët. Por Dushan Mugosha ishte në krye të atyre që bënë Luftën e Gjormit, dhe ku u vranë shqiptarë me shqiptarë, për hir të serbëve. Lufta e Drashovicës në fakt nuk ka qenë luftë, se gjermanët pasi siguruan kontrollin e rrugës automobilistike nuk i ndoqën më tutje forcat partizane të Hysni Kapos. As lufta e 1997 nuk ka qenë e vërtetë, se forcat ushtarake që nisi Berisha shkuan deri në Qafë të Koshovicës dhe atje qëllonin në ajër, ndërsa trimat e Vlorës bënin luftë mediatike, duke shkrehur armët para kamerave të televizioneve të huaja. Nga të gjitha këto luftëra të rreme Vlora ka pasur benefice për shkak të rrethanave. Por vetëm këtë herë Vlora po bën një sfidë reale, me të cilën mund të futet në një luftë reale, me pasoja reale. Këtë herë Vlora, ose më saktë pjesa e Vlorës për të cilën fola më lart, po sfidon interesat amerikane dhe ato nacionale shqiptare. Ato vlejnë më tepër se 14 mijë qytetarët e Vlorës që kanë firmosur peticionin e së ashtuquajturës Aleancë Qytetare për Gjirin e Vlorës. Krerët e kësaj lëvizjeje kërcënojnë me vitin 1920. Okay! Ata duan vitin 1920? Ata mund t’i sjellin Vlorës dhe në radhë të parë ndjekësve të tyre vitin 1920 por para Krishtit ose epokës sonë, siç thonë në gjuhën e tyre ateiste. AMBO është një interes jetik i kombit shqiptar dhe i pjesës më të madhe të Vlorës, i brezave të tashëm dhe i brezave të ardhshëm. Nëse 14 mijë njerëz kërcënojnë se do t’u kundërvihen me gjak interesave madhore shqiptare dhe amerikane, atëherë duke u vënë gjërat në balancë, gjaku i këtyre 14 mijë njerëzve vlen më pak se këto interesa, aq më tepër që këta 14 mijë njerëz janë pjesa e inkriminuar e Vlorës, komuniteti i mafias në Vlorë. Ata nuk janë Vlora, ata janë “Tora Vlora”, në analogji me Tora Bora, ku është strukur Bin Ladeni me të vetët. Ata janë pjesë e terrorizmit ndërkombëtar dhe duhen trajtuar si të tillë. Ata janë Anti-Vlora dhe Anti-Shqipëria. Shteti shqiptar, pas ngjarjeve të fundit, duhet ta nxjerrë jashtë ligjit të ashtuquajturën Aleancë për Mbrojtjen e Gjirit të Vlorës dhe t’i penalizojë drejtuesit e saj si terroristë. Nëse do të hapni faqen në internet të së ashtuquajturës Aleancë për Mbrojtjen e Gjirit të Vlorës (http://guidashqiptare.net/vloranerrezik/bs_indexidonat.html) do të shikoni se në listën e donatorëve që kanë kontribuar për nismën “Vlora në rrezik të kësaj aleance është dhe Fondacioni “Soros”. Kështu Soros jep një tjetër provë se është duke sponsorizuar lëvizjet antiamerikane në Shqipëri. Kështu në Shqipëri Soros vihet në linjë me ambasadorin iranian, të cilit i dhanë akses mediat pro Edi Ramës, kur doli të komentojë në një sens keqdashës për Shqipërinë, projektin për ndërtimin e një centrali bërthamor në Shqipëri. Soros e ka krahasuar Presidentin Bush me Hitlerin, për shkak të luftës së këtij të fundit kundër terrorizmit ndërkombëtar, gjë që e ka thënë dhe Presidenti iranian Ahmadinejad. Kështu, derisa Soros është në linjë me Ahmadinejad, sorosianët e Tiranës janë në linjë me ambasadorin iranian në Shqipëri. Kryetare e bordit të Fondacionit “Soros” në Shqipëri, që ka dhënë sponsorizimin, është Ariana Fullani, drejtoreshë e Shkollës së Magjistraturës, e cila supozohet të drejtojë përgatitjen e gjykatësve dhe prokurorëve, por që njëkohësisht sponsorizon dhe terroristë që kërcënojnë me luftë dhe me gjak si gjoja ambientalistët e Vlorës.

* * *

(Friday, 23 November 2007) -
 

Nga Kastriot Myftaraj - Ndaj shkrimit tim “Aleanca për Mbrojtjen e Gjirit të Vlorës si projekt terrorist dhe Edi Rama pas tij” (gazeta “Sot”, 21 nëntor 2007) ka ardhur një reagim nga Vlora, me titull “Një provokacion antishqiptar”, që është botuar në ditoren “Sot”, më 22 nëntor 2007, nën nënshkrimin anonim në të cilin u soll në gazetë “Një grup patriotësh shqiptarë”.
Por patriotët shqiptarë kanë emra dhe e kanë për nder t’i thonë emrat e tyre. Këta që nuk thonë emrat, në thellësi të nënvetëdijes e dinë se nuk janë shqiptarë, por pasardhës të bijve që la serbi Dushan Mugosha, i cili qëndroi gjatë në Vlorë gjatë Luftës së Dytë Botërore dhe kishte reputacionin e një Kazanove. Ajo që i ka indinjuar anonimët vlonjatë në shkrimin tim
të datës 21 nëntor, është ky paragraf, të cilin ata e citojnë: “Nëse 14 mijë njerëz kërcënojnë se do t’u kundërvihen me gjak interesave madhore shqiptare dhe amerikane, atëherë duke u vënë gjërat në balancë, gjaku i këtyre 14 mijë njerëzve vlen më pak se këto interesa, aq më tepër që këta 14 mijë njerëz janë pjesa e inkriminuar e Vlorës, komuniteti i mafias në Vlorë. Ata nuk janë Vlora, ata janë “Tora Vlora”, në analogji me Tora Bora, ku është strukur Bin Ladeni me të vetët. Ata janë pjesë e terrorizmit ndërkombëtar dhe duhen trajtuar si të tillë. Ata janë Anti-Vlora dhe Anti-Shqipëria”. Anonimët e komentojnë kështu këtë paragraf: “Këto rreshta janë fund e krye antishqiptare”, Edhe UDB-a do t’i kishte zili ato. Tamam si antishqiptari me damkë Pirro Dhima (pas të cilit qëndrojnë qarqet vorio-epirote) që e quan Shqipërinë Al-Qaeda, Myftaraj e quan Vlorën ‘Tora Vlora’. Sipas Myftarajt, në Vlorë ka 14 mijë terroristë që janë pjesë e “terrorizmit ndërkombëtar”. Kur serbët masakronin popullsinë shqiptare në Kosovë, në vitet 1998-1999 ata e bënin këtë në emër të luftës që po bënin kundra “terroristëve të UÇK”, kundër “banditit Adem Jashari”. Po në të njëjtën mënyrë, në nëntor 2007, z. Myftaraj bën thirrje për luftë civile dhe gjak ndërmjet shqiptarëve në emër të luftës kundër “14 mijë terroristëve të Vlorës. Që sot e tutje serbët do thonë: ‘Edhe armiku më i madh yni, Kastriot Myftaraj, ai që i vetmi na i demaskoi planet tona ushtarake (shih shkrimin e z. Myftaraj të ‘SOT’ i datës 17 nëntor 2007, f. 12-13), që i vetmi na i plasi në fytyrë blofet apo truket tona me anë të serbofil-rusofilit Pacolli (shih shkrimin e z.
Myftaraj te ‘SOT’ i datës 20 nëntor 2007, f. 12-13) edhe ai e pranon që në Shqipëri ka 14 mijë terroristë të lidhur me terrorizmin ndërkombëtar. Atëherë a nuk paskemi ne të drejtë që të shtypim me armë në dorë terrorizmin që vjen nga shqiptarët?’ Ja pra ç’ju dha z. Myftaraj qarqeve pro-serbe, pro-greke!”(gazeta “Sot”, 21 nëntor 2007, f. 13) Por unë nuk e kam
quajtur gjithë Vlorën “Tora Vlora”, në analogji me “Tora Borën” ku fshihet Bin Laden, por vetëm atë pjesë të Vlorës, që ka firmuar peticionin e së ashtuquajturës Aleancë Qytetare për Mbrojtjen e Gjirit të Vlorës. Dhe kjo pjesë është pakica në Vlorë. Unë e përsëris se këta 14 mijë qytetarë të Vlorës duhet ta dinë se lidershipi i Aleancës për Mbrojtjen e Gjirit të Vlorës i ka tërhequr në një projekt terrorist, një pjesë me vetëdije dhe një pjesë pa vetëdije. Terrorizmi i tashëm ndërkombëtar nuk është vetëm
islamik, si në Irak, Afganistan etj., por është edhe ideologjik, si në Amerikën Latine (Kolumbi, Peru etj.), dhe madje ka ndodhur edhe që të kamuflohet si lëvizje ekologjike, sipas planeve të shërbimeve sekrete të vendeve të tjera. Kështu, në Itali, forca kryesore në lëvizjen për mbylljen e centraleve bërthamore në vitet tetëdhjetë ishte partia më e madhe e së majtës,
ajo komuniste, e cila vepronte sipas udhëzimeve të Moskës, ku KGB i shikonte protestat kundër centraleve bërthamore, si ekspedient për të arritur synimin strategjik sovjetik të shkaktimit të një krize energjetike në ekonomitë e këtyre vendeve, të shkaktonte rritjen e kërkesës për naftë dhe gaz, si dhe rritjen e çmimit të saj, me ç’rast do të përfitonte Bashkimi Sovjetik që ishte prodhues i madh i naftës dhe gazit. Serbia, Greqia dhe Rusia kanë interes që Vlora mos të bëhet një pol energjetik ndërkombëtar shqiptaro-amerikan, me ndërtimin e TEC-it, AMBO dhe Petroliferës, të cilat së bashku formojnë një tërësi organike me AMBO. Prandaj Serbia, Greqia dhe Rusia kanë nxjerrë nga dosjet e vjetra të KGB-së skenarin e protestës mjedisore. Por kjo protestë mjedisore në Vlorë e tradhton veten që është skenar i shërbimeve sekrete serbe, greke dhe ruse, se përdor retorikë të skajshme dhune dhe lufte. Se çfarë është në të vërtetë e ashtuquajtura Aleancë Qytetare për Mbrojtjen e Gjirit të Vlorës, kjo u pa ditën e hënë në 19 nëntor, kur Kryetari dhe nënkryetari i Aleancës për Mbrojtjen e Gjirit të Vlorës, respektivisht R. Aliaj dhe L. Feruni, i pari në një intervistë që dha për emisionin “Zip” në televizionin “Vizion Plus”, dhe i dyti nga studioja e këtij emisioni ku ishte i ftuar, kur u pyetën nga një prej drejtuesve të emisionit se si i konsiderojnë deklaratat për luftë dhe gjak të bëra para kamerave televizive nga pjesëtarë të lëvizjes atë ditë në Universitetin e Vlorës, u përgjigjën se ato u duken normale dhe civile. Kjo kur në pamjet televizive u pa qartë se në kohën që portreti i Ismail Qemalit dhe flamuri nacional shqiptar, që në fillim të takimit gjendeshin në murin e sallës, pas podiumit, dhe pas shpërthimit të dhunës nga studentët protestues kishin përfunduar përtokë të përlyer me naftë dhe vajra të djegura, nga protestuesit, një
lider i lëvizjes kërcënonte duke thënë se do të derdhej gjak. Kjo kur në mbrëmje ky njeri e përsëriti kërcënimin në një intervistë në të njëjtin emision. Në një intervistë tjetër, po në të njëjtin emision, një studente, anëtare e Aleancës, u shpreh se do të përsëritet lufta e 1920-ës. Edhe këtë herë, kur një nga drejtuesit e emisionit, ndërhyu duke bërë një vërejtje për këtë gjuhë, liderët e aleancës u shprehën se kjo ishte gjuha e duhur që ata që duan të sjellin naftën në Vlorë, ta marrin mesazhin, dhe e quajtën gjuhën e studentes si gjuhë protestë civile, duke treguar kështu se sensi i tyre për civilizimin qenka ai që njerëzit e qytetëruar kanë për barbarinë. Ka dy lloj thirrjesh për luftë dhe gjakderdhje, nga terroristët dhe nga antiterroristët. Ata që bëjnë thirrje të parët për luftë e gjak janë terroristë, dhe të tillë janë njerëzit e Aleancës për Mbrojtjen e Gjirit të Vlorës, ndërsa ata që bëjnë thirrje për luftë kundër terroristëve, duke e marrë parasysh gjakderdhjen për të evituar pasoja të mëdha, janë antiterroristë, dhe unë jam i tillë, e kam për nder që jam i tillë, dhe do ta vazhdoj ta them këtë gjë. Është kurioze gjuha e përbashkët që përdor Aleanca për Mbrojtjen e Gjirit të Vlorës dhe Bin Ladeni në Tora Bora. Edhe Bin Laden në kumtet që i drejton botës përdor argumente të arsenalit retorik komunist të luftës kundër kompanive shumëkombëshe, instrumente të imperializmit që u pinë gjakun popujve të varfër. Analogjia që kërkojnë të bëjnë anonimët nga Vlora mes akuzave që serbët u bënin shqiptarëve të Kosovës si terroristë në luftën e viteve 1998-1999, për të justifikuar genocidin ndaj tyre, është absurde. Në Kosovë ushtarët dhe paramilitarët serbë që bënin genocid ndaj shqiptarëve, shfaqeshin para kamerave me simbolin sllav të tre gishtave të ngritur lart. Edhe njerëzit e Aleancës për Mbrojtjen e Gjirit të Vlorës dhe ata 14 mijë vetë që kanë firmuar për të, janë nga ata që në vitin 1997, para mediave të gjithë botës, ngrinin tre gishtat lart, simbolin e kriminelëve serbë që para vitit 1997 kishin bërë genocid në Kroaci dhe në Bosnjë-Hercegovinë, dhe të rusëve që kishin bërë genocid në Çeçeni. A nuk kishin të drejtë serbët të thoshin se në Shqipëri ka njerëz që janë me ne derisa përdorin simbolin tonë? Për këtë duhet të përgjigjen “patriotët” anonimë nga Vlora. Të luftoje Berishën ishte një gjë, por ta luftoje me simbolin serb ishte një gjë krejt tjetër. Edhe sot në Vlorë, për turpin e shtetit shqiptar është një përmendore pranë ndërtesës së SHISH, që përkujton vlonjatët që u vranë, me tre gishtat e ngritur lart, “në luftë kundër regjimit të korruptuar berishian”. Drejtori i SHISH Bahri Shaqiri ka përgjegjësi për këtë pllakë turpi që është para derës së institucionit të tij. Të thuash, siç bëj unë, se fakti që në Vlorë ka 14 mijë vetë mbështesin me shkrim ata që kërkojnë luftë dhe gjak, do të thotë se në Vlorë ka 14 mijë njerëz të lidhur me terrorizmin ndërkombëtar, nuk do të thotë t’u shërbesh serbëve, por t’u prishësh punë atyre, se kjo i shërben vetëdijësimit të atyre vlonjatëve që janë ngatërruar në këtë histori pa qenë të vetëdijshëm se në ç’lojë i kanë tërhequr. Sa për akuzën që më bëjnë për UDB-an, ajo më tepër provon se janë spiunë serbë ata vetë, se e përbashkëta e spiunëve serbë dhe grekë në Shqipëri është se nuk përmendin emrin e shërbimeve sekrete serbe dhe greke, ashtu si mafiozët që nuk e përmendim fjalën “mafie”. Shërbimi sekret serb nuk quhet më UDBa që nga viti 1967, kur u quajt SDB, ndërsa prej vitit 2002 quhet BIA. As krahasimi me Pirro Dhimën dhe qarqet vorio-epirote nuk më impresionon, por më zbavit se njerëzit e Aleancës për Mbrojtjen e Gjirit të Vlorës janë ata që në 1997 shkonin pas Albertit Shytit nga Narta, që u bë kryetar i Komitetit të Shpëtimit Publik në Vlorë, i ardhur nga Greqia dhe i prezantuar për herë të parë në një takim që ambasadori grek Prevendurakis bëri në Vlorë në 24 janar 1997, dy ditë para fillimit të protestave. Ata “patriotë” nga Vlora që më akuzojnë mua dhe që janë sot në Aleancën e Aliajt dhe Ferunit, duhet të përgjigjen për atë se në 1997, nga pushteti që doli nga protestat e tyre të armatosura tregishtore (të cilat do t’ i kisha miratuar dhe unë sikur mos bëheshin me simbolin serb dhe të kishin çuar në rrëzimin e Berishës nga pushteti, nën simbolin e dy gishtave me të cilin Berisha erdhi në pushtet në 1992), çelësat e ushtrisë shqiptare, në prag të luftës në Kosovë, iu dhanë, si shef i Shtabit të Përgjithshëm, Aleks Andoni që në mars 1997, i ardhur nga Greqia, ngriti flamurin e Vorio-Epirit në Himarë. Se pushteti që doli në 1997 nga këto të ashtuquajtura protesta të armatosura të Vlorës, ia dha sektorët-kyç të ekonomisë Greqisë, çka rezultoi për shqiptarët me humbje disa herë më të mëdha se shumë prej rreth 900 milion dollarë e humbur në firmat piramidale sipas shifrës që dha qeveria socialsite përfundimisht. Më tutje pasardhësit e Mugoshës, shkruajnë: “Në fakt ne mendojmë se shkrimi i z. Myftaraj është gatuar pikërisht në laboratorët e errët serbo-grekoruse…
Edhe qarqet më shovinistë, më antishqiptarë serbë dhe grekë nuk kanë guxuar ta thonë hapur që në Shqipëri ka 14 mijë terroristë! Kurse tani na del një shqipfolës dhe guxon të bëjë thirrje plot helm (po përpiqemi të jemi sa më të butë antishqiptar (dhe ku) mu në mes të shtypit shqiptar. (gazeta “Sot”, 21 nëntor 2007, f. 13) Në laboratorët e shërbimeve sekrete serbe,
greke dhe ruse janë krijuar skenarët e gjoja lëvizjeve ambientaliste të llojit të Aleancës për Mbrojtjen e Gjirit të Vlorës, apo të lëvizjeve të tjera që bën PS e Edi Ramës kundër Rrugës Rrëshen-Kalimash (Tiranë-Prishtinë) dhe kompanisë amerikane “Bechtel”, që po e ndërton atë, apo kundër idesë për ndërtimin e një centrali bërthamor në Shqipëri, nga një kompani tjetër amerikane. Të gjitha këto lëvizje janë pjesë e një skenari serbo-greko-rus për të ngritur një lëvizje antiamerikane në Shqipëri, që është paralajmëruar të shkojë deri në veprime terroriste. Për këtë gjë duhet të vetëdijësohen shumë nga ata 14 mijë vetë që janë përzierë nga këtë lëvizje pa qenë plotësisht të vetëdijshëm për kontekstin e saj. Ata, dikush me vetëdije e shumica pa vetëdije, janë bërë pjesë e një projekti terrorist. Në rast se nuk do të distancohen prej tij, atëherë një ditë jo të largët do të marrin pasojat e veprimeve të tyre. Në fund të fundit, kur të vihet në balancë interesat dhe siguria e kombit shqiptar, që është e lidhur ngushtë me këto projekte madhore energjetike dhe infrastrukture dhe e 14 mijë ekstremistëve, që përbëjnë 0.1 % të këtij kombi, dhe që kërcënojnë me luftë dhe gjakderdhje, atëherë duhen sakrifikuar këta të fundit, me metodat me të cilat ata duan t’i kundërvihen shumicës. Tekefundit çdo komb i qytetëruar e ka kaluar nga një moment dileme të tillë dhe është verifikuar se ashpërsia ka qenë urtësi në pikëpamje afatgjatë. Është shumë zbavitëse kur anonimët thonë për artikullin tim: “Ne nuk e kuptojmë dot se si është e mundur që në shtypin shqiptar të lejohen të lejohen ta qarkullojnë provokacione kaq të hapura pro-serbe, pro –greke dhe antishqiptare”. (gazeta “Sot”, 21 nëntor 2007, f. 13) Dhe të mendosh se këtë gjë e thonë tregishtorët e vitit 1997! Ata kujtojnë se mbulojnë me “gjethe fiku” lakuriqësinë e pro-serbizmit dhe të pro-greqizmit të tyre, kur bëjnë sikur shajnë Serbinë dhe Greqinë. Por dhe këtë e bëjnë pa emër, se nuk u del nga shpirti. Por çka ua çjerr “gjethen e fikut” është fakti këtyre ambientalistëve është fakti se grekët nuk po shqetësohen shumë për projektin e përbashkët ruso-greko-serb për shndërrimin e dy qyteteve turistike greke, Alexandropoulosit dhe Selanikut në qytete të naftës, pasi në të parin do të dalë naftësjellësi që do të sjellë naftën ruse në Egje, ndërsa në të dytin do të ndërtohet Petrolifera që do të çojë një pjesë të kësaj nafte
kah veriu në Serbi. E pra Greqia në bregdetin e Egjeut dhe ishujt e tij ka një turizëm shumë herë më të zhvilluar se të Vlorës, e cila për hir të së vërtetës për 1997 vjet nuk ka për të pasur turizëm të huaj konsistent, me atë përshtypje që i bëri botës me ngjarjet e vitit 1997. Më tutje anonimët shkruajnë për artikullin tim: “Në cilin vend të botës mund të tolerohen thirrjet e hapura për luftë civile, nën flamurin e kundra ‘terroristëve mafiozë vlonjatë’? Qeveria e cilit vend toleron aktivitete të tilla thellësisht antikombëtare, antishtetërore, antikushtetuese në territorin e saj? Pse qeveria toleron këtë aktivitet pro propagandës serbe dhe greke? (gazeta “Sot”, 21 nëntor 2007, f. 13) Por thirrje publike për luftë dhe gjak bënë njerëzit e Aleancës për Mbrojtjen e Gjirit të Vlorës dhe kjo është një gjë e dokumentuar me pamje televizive. Prokurori i Vlorës, në një intervistë dhënë tek “Gazeta
Shqiptare”, në 21 nëntor 2007, të nesërmen e ngjarjes, në lidhje me kallëzimin penal që pati ndaj protestuesve, tha se nuk ka ndërmend të penalizojë njeri për ngjarjen, se edhe Presidenti Bush është qëlluar me vezë në protesta! Shumë mirë! Atëherë ata qytetarë që janë të pakënaqur nga puna e këtij Prokurori, dhe që ai u hapi rrugën ta qëllojnë me vezë, të vijnë tek
unë se u paguaj lekët e vezëve. Dhe pastaj nafta, vajrat e djegur dhe peshqit e ngordhur nuk janë vezë. Ky Prokuror, kur pa pamjet televizive, me siguri që ka parë se si sulmuesit nuk u përmbajtën as para portretit të madh të Ismail Qemalit, dhe flamuri nacional shqiptar, që ishin në mur, pas shpinës së të atakuarve. Në pamjet televizive dukej se si portreti i Ismail
Qemalit dhe flamuri shqiptar ranë dhe u përlyen me naftë dhe vajra të djegur, nën breshërinë e goditjeve me sende të ndryshme, të sulmuesve mes të cilëve ishte dhe kryetari i Aleancës Qytetare për Mbrojtjen e Gjirit të Vlorës, Rezart Aliaj. Asnjë nga njerëzit e Aleancës që ishin në sallë nuk shkoi të ngrinte portretin e Ismail Qemalit, apo flamurin shqiptar të përlyer, por e kishin mendjen vetëm të vazhdonin të qëllonin dhe të kërcënonin, duke iu drejtuar kamerave. Në Kodin Penal ka është parashikuar vepra penale e poshtërimit të simboleve të Republikës, ku bën pjesë dhe flamuri shqiptar, dhe prokurori kishte detyrim që të fillonte çështjen penale kryesisht për këtë vepër penale pasi erdhi në dijeni. Duke goditur dhe
rrëzuar portretin e Ismail Qemalit dhe flamurin nacional shqiptar, njerëzit e së ashtuquajturës Aleancë Qytetare për Mbrojtjen e Gjirit të Vlorës treguan se ata janë antishqiptarë, se nuk e kanë thjesht me Petroliferën apo me AMBO-n, por e kanë me themelet e shtetit shqiptar, e kanë me flamurin shqiptar, e kanë me kombin shqiptar për llogari të Serbisë dhe të Greqisë. Aleanca për Mbrojtjen e Gjirit të Vlorës është pararoja në Shqipëri e Gardës serbe të Car Llazarit, që për llogari të Serbisë atakon interesat shqiptaro-amerikane.